Open Access8. Metabovlen syndrovme, buajhtehksvoete jïh etnisiteete saemien jarngedajvin
Author(s) -
Vilde Lehne Michalsen
Publication year - 2022
Publication title -
septentrio reports
Language(s) - Persian
Resource type - Journals
ISSN - 2387-4597
DOI - 10.7557/7.6470
Subject(s) - physics
Metabovlen syndrovme lea tjomhpe vaahrafaktovrijstie vaajmoe- jïh vïrreåerieskïemtjelasside jïh diabetese 2. såarhte. Daah vaahrafaktovrh leah stueriedamme gaskebullegievlie, jollebe fååstije vïrresohkere, jollebe njieptjieh triglyseridijste, vuelege njieptjieh HDLkolestroleste (dïhte «hijven» kolestrole), jïh jolle vïrrretrygke. Daate kapihtele åejviegaavnoeh aktede dåakteregraadeste åehpiedahta mij daata SAMINOR-goerehtimmeste våaroeminie åtna. Akte goerehtimmie mij daatah SAMINOR 1 jïh SAMINOR 2-goerehtimmeste vuesiehti låhkoe metabovlen syndrovmine læssani jaepijste 2003–2004 jaepide 2012–2014, joekoen ålmaj luvnie. Lij smaave jallh ij naan joekehtsh saemiej jïh daaroej gaskem. Ovrehte njieljie ållesth luhkie almetjijstie metabovlen syndrovmem utnin dennie ruraale noerhte-nöörjen årrojedåehkesne jaepine 2012–2014. Almetjh mah lin meatan SAMINOR 1-goerehtimmesne jïh mah metabovlen syndrovmem utnin, 50 % stuerebe vaahram utnin vaajmoe- jïh vïrreåerieskïemtjelassijste jaemedh, viertiestamme almetjigujmie mah idtjin metabovlen syndrovmem utnieh. Jïjtse gaskenasjonaale raasteaarvoeh gååvnesieh gaskebullemöölegidie ovmessie etnihkeles dåehkide, men akte studije SAMINOR 1- goerehtimmeste vuesiehti ij lij naan fåantoe jïjtse raasteaarvoeh nuhtjedh saemide jïh daarojde. Vielie dotkeme daatide SAMINOR 1-goerehtimmeste vuesiehti kråahpemaasseindekse (kilogram/meetere2) jeerehte kråahpejallojne daan årrojedåehkien luvnie, jïh daate viertiestimmieh kråahpemaasseindekseste baajnehte, saemiej jïh daaroej gaskem.