Camiñando nas marxes con Xohán Casal: espiritualidade popular e expresión literaria

Este traballo presenta un achegamento á figura do escritor galego Xohán Casal (1935-1960) a partir dos seus escritos persoais, que proporcionan novas claves para a súa caracterización. Mediante o estudo dos materiais depositados na Real Academia Galega (Fondo Xohán Casal), poñeranse de manifesto tanto a súa ideoloxía como o seu posicionamento estético e vital, no que ten unha relevancia capital a espiritualidade e o compromiso co popular. Tamén se revelarán as influencias de autores como Eduardo Pondal, cuxa cosmovisión deixou fonda pegada no pensamento de Casal, xunto con Castelao e Luís Seoane.