Projektimi i logjikës Fuzzy dhe rregullatorit PID në proceset industriale

Proceset industriale po ndërlikohen ditaditës, duke prezantuar modele të paqëndrueshme të rendit më të lartë. Rregullatori i derivatit integral proporcional (PID) është metoda e kontrollit më e përdorur në industri, për shkak të performancës së lartë dhe gamës së gjerë të kushteve të funksionimit dhe mwnyrat e thjeshta të rregullimit. Ky punim paraqet projektimin e rregullatorit PID duke përdorur teknikën Ziegler - Nichols (ZN), metoda për kontrollin e sistemit të rendit më të lartë. Për të njëjtin qëllim, do të përdoret edhe logjika Fuzzy (FLC) duke përdorur rregulla më të thjeshta. Rezultatet e simulimit demostrohen duke përdorur MATLAB. Analiza e performancës tregon efektivitetin e projektuar të logjikës Fuzzy, krahasuar me rregullatorin PID të akorduar me ZN.