Novas visións socioliterarias da saudade: a súa desmitificación e crítica na obra de Seoane, Valente e Rivas

Este artigo presenta un breve percorrido cronolóxico pola literatura galega dende mediados do século XX ata a actualidade, personificado nas figuras de Luís Seoane, José Ángel Valente e Manuel Rivas, para analizar como neles o discurso tradicional da saudade é dinamitado creando novas concepcións para o termo, concepcións que abarcan maiores territorios e identidades e que restrinxen moito menos non só a idea de Galicia, senón tamén a nosa idea de nós mesmos.