An ethnobotanical survey of Athrixia phylicoides and its uses.

Alhoewel tradisionele tee die wêreld se geliefkoosde drankie is, word gesondheids- of kruietee al gewilder. Ten spyte van die diversiteit van inheemse Suid-Afrikaanse plante, word hoofsaaklik net twee soorte kruietee, naamlik heuningbos en rooibos tans op kommersiële grondslag geproduseer. ’n “Tee” wat van die Athrixia phylicoides-plant verkry word, is egter uiters gewild in die oostelike dele van die binneland en hou moontlik kommersiële potensiaal in. Twee etnobotaniese opnames is in die Limpopo-provinsie en in KwaZulu-Natal gedoen om inligting oor die tradisionele gebruik van die plant onder verskillende etniese groepe te verkry. Daar is gevind dat A. phylicoides as “kruietee” en vir die maak van besems gebruik word. Medisinaal word dit gebruik om hartprobleme, hoë bloeddruk en diabetes te behandel. Die opnames het net klein etnies gebaseerde verskille aangetoon. Die simboliese waarde en gebruik daarvan tydens godsdienstige seremonies is nie voorheen gedokumenteer nie. As gevolg van onoordeelkundige oestegnieke deur plukkers uit stedelike gebiede, word die plant al hoe skaarser en kan dit moontlik plaaslik uitsterf