Die bepaling van die kragverspreiding in die drakabel van ’n sweefspoor

Die ontleding van kragte in die uniforme drakabel van ’n sweefspoor vir die vervoer van erts tussen 'n myn en 'n veredelingsaanleg word beskryf. Vir die doeleindes van die analise is die probleem as 'n statiese ewewigsprobleem beskou. Die elastisiteit van die drakabel, die beweging daarvan ten opsigte van die steunpunte op die dratorings nadat dit met ertskarre gelaai word, die gewig van die gelaaide ertskarre sowel as die trektoukragte word in ag geneem. Aangesien die drakabel baie styf gespan is, is die invloed van huigmomente nalaatbaar en kan die kabel as ’n perfekte huigbare kabel heskou word. Die vorm van die drakabel en die trekkrag in die kabel kan deur diskrete modellering bepaal word en in besonder word hier van ’n puntmassamodel gebruik gemaak. Die analise lewer die maksimum krag en die ooreenkomstige posisie van die krag vir verskillende verteenwoordigende posisies van die gelaaide ertskarre op die drakabel. Dit maak die berekening van veiligheidsfaktore vir verskillende tipes drakabels moontlik