Waarderingswoord aan J.L. Helberg

Ter inleiding wil ek onomwonde sê dat dit vir my 'n besondere eer is om hiermee 'n kort waarderingswoord uit te spreek teenoor 'n hooggeagte kollege en lewenslange vriend - Jaap Helberg. Hy het aan die einde van 1993 as voltydse pro­fessor aan die Teologiese Skool Potchefstroom geëmeriteer waar hy 23 jaar gearbei het. Dit het die lang doseringstydperk van 32 jaar afgesluit, want hy het met sy benoeming aan die Teologiese Skool Potchefstroom reeds nege jaar as professor aan die Hammanskraalse Teologiese Skool gedien