Giambattista Vico – Heimspeki forsjónarinnar

Lán í óláni – þannig mætti lýsa æviferli Vicos. En einnig má halda því fram að sagan af slysinu sem sögumaður varð fyrir sem barn geymi kjarnann í heimspeki hans því inntakinu í Hinum nýju vísindum má lýsa sem nokkuð svipuðu: Í gegnum söguna og öll þau skakkaföll sem hún þekkir er að verki guðleg forsjón sem ljær henni merkingu og – a.m.k. tímabundinn – tilgang. Heimspeki Vicos mætti því lýsa sem heimspeki forsjónarinnar.