गुरुङ भाषाको साहित्यिक रूपरेखा Gurung Bhashako Sahityik Ruprekha

गुरुङ भाषा भोट चिनियाँँ परिवारअन्तर्गत भोटबर्मेली शाखाभित्र पर्दछ । यस भाषामा साहित्य लेखन आरम्भ भएको आधा शताब्दी भए पनि यस भाषाको साहित्यिक रूपरेखाको खोजी प्रारम्भिक नै रहेको छ । यस लेखमा गुरुङ भाषाको साहित्यिक रूपरेखाबारे खोजी गर्दै गुरुङ भाषाको अध्ययनको पृष्ठभूमि, लोकसाहित्यको आधार, गुरुङ भाषामा साहित्य लेखन तथा विकास, गुरुङ भाषाका प्रमुख साहित्यिक प्रतिभा र विधागत उपलब्धि तथा गुरुङ भाषामा साहित्यको वर्तमान स्थितिबारे चर्चा गरिएको छ । गुरुङ भाषामा साहित्य लेखन आरम्भ भए पनि पर्याप्त साहित्य सिर्जना हुन नसकेको यथार्थ यस लेखका निष्कर्षमा प्रस्तुत छ ।