Baş beyin şişlərinin kompleks müalicəsinin uğurları, problemləri və inkişaf perspektivləri

Baş beynin şişləri baş beynin orqanik xəstəliklərinin 4%ni, bütün onkoloji xəstəliklərin isə 2%ni təşkil edir. Neyroonkoloji xəstəliklərin ilbəil artması tendensiyası müşahidə edilir. Inkişaf etmiş ölkələrin statistik məlumatlarəna görə son 25 ildə neyroonkoloji xəstələrin sayı əvvəlki 50 il ilə müqayisədə 2 dəfə artmışdır. Alimlər bunu əsasən diaqnostik imkanların artması ilə əlaqələndirirlər. Eyni zamanda, son 10-15 ildə müasir diaqnostika üsullarının (KT, MRT, MRA, PET) geniş tətbiqi, mikrocərrahi anatomiyanin öyrənilməsi, kəllə boşluğuna yeni girişlərin öyrənilməsi, mikrocərrahi texnologiyanın, o cümlədən endoskopik, naviqasiya sisteminin, anestezioloji nəaliyyətlər, operasiya zamanı aparılan monitorinq, operasiyadan sonrakı intensiv terapiya nəticəsində ölüm faizi əhəmiyyətli dərəcədə azalmış, (20-30%-dən 4-5%-ə qədər) operasiyaların radikallığı artmış və neyroonkoloji xəstələrin həyat keyfiyyəti yaxşılaşmışdır. Bütün bunlar baş beyin şişlərinin kompleks müalicəsinin uğurları hesab edilə bilər. Bütün beyin şişləri beyindaxili (qlial) və ekstraserebral (meningiomalar) olmaqla 2 əsas böyük qrupa bölünürlər.