Open Accessكارلێكەری پەیامی هەڵمەتەكانی راگەیاندن لەنێو دەنگدەران لە هەڵبژاردنی پەرلەمانی كوردستان (30/9/2018) توێژینەوەیەكی روپێوییە، لە نێو جەماوەری شاری هەولێر، كەناڵی 24K وەك نموونە
Author(s) -
ئاریانا ئیبراهیم محمد,
شیلان یاسین خضر
Publication year - 2019
Publication title -
govarî zankoy ṛapeṛîn
Language(s) - Persian
Resource type - Journals
eISSN - 2522-7130
pISSN - 2410-1036
DOI - 10.26750/vol(6).no(2).paper18
Subject(s) - business
پوختە:
لەبەرەبەیانی مێژووەوە مرۆڤ گرنگی پەیامی بانگەشەكردنی زانیوە، كە لەرێگای ئامرازەكانی پەیوەندییەوە، لەبەردەستدایە بۆ گەیشتن بەجەماوەر و متمانەپێهێنانیان. وتاربێژی و گفتوگۆی دوو قۆڵی ئاشكرا یان بە نووسین (گوتاری نوسراو) ئامرازی كۆنی بانگەشە كردنن، كە لە سیاقی بانگەشەی سیاسی و ئایینیدا بەكاربراوە. بۆیە ئێستا لەو سەردەمەدا بانگەشە بۆتە هەڵمەتی سەرەكی راگەیاندن و وەك چەمكێكی نوێ لە ئامرازەكانی راگەیاندن بەكاردێت. لە پێناو ئاگاداركردنەوەی جەماوەرو ئاراستەكردنی جەماوەر بۆ وەرگرتنی هەڵوێستێكی دیاریكراو. لەسەرەتادا ئەم چەمكە لەسایەی تێكەڵبوونی راگەیاندن لەگەڵ بەشە مرۆیی و زانستییەكانی دیكەدا، لە زۆر بواردا دووبارە دەبۆوە، وەك هەڵمەتەكانی هۆشیاركردنەوەی تەندروستی، هەڵمەتی هۆشیاركردنەوەی كۆمەڵایەتی، بەكارهێنانی مانای هەڵمەت لەبواری سیاسیدا لەكاتی هەڵبژاردنەكاندا، لەكەش و هەوایەكی دیموكراسیدا....هتد. لەم سەردەمەدا هەڵمەتەكانی راگەیاندن بووە بە زانستێكی سەربەخۆ، بە توێژینەوە دەوڵەمەند دەكرێت و كتێبی لەسەر دەنوسرێت و بڵاودەبێتەوە. ئەم توێژینەوەیە، توێژینەوەیەكی روپێوییە توێژەر ئامانجیەتی كاریگەری پەیامی هەڵمەتی راگەیاندن لەنێو دەنگدەران بەتایبەتی لە هەڵبژاردنی پەرلەمانی كوردستان (30/9/2018) لەنێو جەماوەری شاری هەولێر بخاتەروو كەتیایدا K24 وەك نموونە وەرگیراوە. توێژینەوەكە لەسێ بەش پێكهاتووە: بەشی یەكەم: تایبەتە بە میتۆدنامەی توێژینەوە و چەمكەكان. بەشی دووەم: تایبەتە بە كارلێكەری و پەیامی هەڵمەتەكانی راگەیاندن. بەشی اسێیەم: لایەنی پراكتیكی توێژینەوەكە لەخۆ دەگرێت. لە كۆتاییدا توێژەر پێشنیازی ئەوە دەكات لە هەڵبژاردنەكانی داهاتوو پتر بایەخ بە پەیامی هەڵمەتی راگەیاندن بدەن و بەشێوازێكی زانستیانە پێشكەشی بكەن، چونكە پەیامی هەڵمەتی راگەیاندن زۆر كاریگەرە لەسەر دەنگدەر.