Open Accessپلانی زمانی و هەنگاوەکانی پاراستنی زمانی کوردی
Author(s) -
هەژار حوسێن والى,
مستەفا ڕەزا مستەفا
Publication year - 2019
Publication title -
govarî zankoy ṛapeṛîn
Language(s) - Persian
Resource type - Journals
eISSN - 2522-7130
pISSN - 2410-1036
DOI - 10.26750/vol(6).no(1).paper23
Subject(s) - chemistry
توێژینەوەکە بەشێوەیەکى گشتى بۆ بابەتێکى گرنگ و هەستیارى ئەم قۆناغەى زمانى کوردیی تەرخانکراوە، کە هەوڵدراوە تیشکبخرێتەسەر گرنگترین ئەو ڕێکارو هەنگاوانەى، کە لە ئێستاو دواڕۆژدا وادەکەن زمانى کوردیی بە ئاڕاستەیەکى ڕاست و دروستدا بڕوات و ئاسۆى دواڕۆژى زمانەکەمان دیارو ڕووناک بێت. چونکە بە بڕواى توێژەران بارودۆخى هەنووکەیی زمانى کوردیی بارودۆخێکى ساخڵەم و جێگەى ئومێد نییە، لەبەرئەوەى بە حوکمى هوروژمى جیهانگیریی و فاکتەرى تەکنەلۆژیاى زانیاریی و هەیمەنەى زمانانى بێگانە لەسەر زمانەکەمان و بێپلانى و نەبوونى ڕامیاریی/سیاسەتێکى زمانیی وردى پێشتر هەڵسەنگێنراو لەلایەن خەڵکانى کاربەدەست و لایەنى پەیوەندیدارەوە، ئەمانە هەموو وادەکەن کارکردن لەم بوارەداو خستنەڕووى ڕەهەندە جۆربەجۆرەکانى و مەترسییە هەنوکەیی و پێشبینیکراوەکان بخرێتەڕوو. هاوکات کێشەو ئارێشەو ئاستەنگەکانى بەردەم گەشەسەندنى زمانى کوردیی و نەبوونى پلانى زمانیی بخرێتە بەردەم خەمخۆران و توێژەرانى بوارى زمانەوانى بەشێوەیەکى گشتیی و زمانى کوردیی بە تایبەتى، بۆئەوەى بە هەمووان بتوانرێت دەلاقە و دەرچەى ڕزگاربوونى زمانەکەمان بکرێتەوەو زمانى کوردیی بگەیەنرێتە کەنارێکى ئارام.