Open Accessكاریگه‌رییا ئایینێ زه‌رده‌شتى ل سه‌ر شعرێن مه‌لاخه‌لیل مشه‌ختى
Author(s) -
kameran Khelil
Publication year - 2021
Publication title -
govara zanistîn mirovayetî ya-zankoya zaxo
Language(s) - Persian
Resource type - Journals
eISSN - 2664-4681
pISSN - 2664-4673
DOI - 10.26436/hjuoz.2021.9.1.660
Subject(s) - computer science
به‌رى هاتنا ئایینێ ئیسلامێ، زه‌رده‌شتییه‌ت ئایینێ سه‌ره‌كیێ كوردان بوویه، پشتى هاتنا ئیسلامه‌تیێ ئه‌ڤ ئایینه ل كوردستانێ به‌ره‌ڤ لاوازى و نه‌مانێڤه چوویه، لێ ل گه‌ل هندێ ژى هه‌مى ده‌مان ب ئاوایێن جۆراوجۆر د كه‌لتور و ئه‌ده‌بیاتا كورداندا مایه و كاریگه‌رییا خۆ لسه‌ر وان هه‌بوویه ب تایبه‌تى پشتى سه‌رهلدان و وه‌رارا هه‌ستێ نه‌ته‌وه‌ییێ كوردان ل داوییا سه‌دێ نوزدێ و ب درێژییا سه‌دێ بیستێ. ل ئه‌ڤێ قوناغێ ئایینێ زه‌رده‌شتى ب ره‌نگه‌كێ نوى د كه‌لتور و ئه‌ده‌بیاتا كورداندا خویابوویه، ئێدى گرنگیدان و باسكرنا ئه‌ڤى ئایینى بوویه به‌شه‌ك ژ هه‌ستێ نه‌ته‌وه‌ییێ ژماره‌كا به‌رچاڤ ژ نڤیسه‌ر و شاعرێن كورد، ئه‌ڤان نڤیسه‌ر و شاعران ب شانازیڤه باسێ زه‌رده‌شت و ئایینێ وى كرییه. ئێك ژ ئه‌ڤان شاعران ژى (مه‌لاخه‌لیل مشه‌ختیى)یه كو گه‌له‌ك ب زه‌رده‌شت و ئایینێ وى داخبار بوویه، لێ جیاوازییا مشه‌ختى لگه‌ل پرانییا شاعرێن كورد ئه‌وه كو ل ئاواره‌ییێ، واته ل ئیرانێ كارلێك و تێكه‌لییه‌كا راسته‌وخۆ ل گه‌ل زه‌رده‌شتیان و دابونه‌ریتێن وان هه‌بوویه و دویڤچوونه‌كا باش ل سه‌ر ئایینێ زه‌رده‌شتى كرییه. ئه‌ڤ ڤه‌كۆلینه هه‌ولا به‌رجسته‌كرنا چه‌وانییا پێكاریگه‌ربوونا مشه‌ختى ب ئایینێ زه‌ره‌ده‌شتى و كارلێكا وى لگه‌ل جڤاكێ زه‌رده‌شتیان دده‌ت. ڤه‌كۆلین لسه‌ر ئه‌ڤێ گریمانه‌یێ هاتییه ئاڤاكرن كو پێكاریگه‌ربوونا مشه‌ختى ب ئایینێ زه‌رده‌شتى پتر ژ روانگه‌هه‌كا نه‌ته‌وه‌یى بوویه و ڤیانا وى ژى بۆ ئه‌ڤى ئایینى ب تنێ هه‌لچوونه‌كا سۆزدارى نه‌بوویه، به‌لكو به‌رهه‌مێ خواندن و دویڤچوونا وى بوویه. د ئه‌ڤێ ڤه‌كۆلینێدا پشتبه‌ستن لسه‌ر رێبازا وه‌سفى شرۆڤه‌كارى هاتییه‌كرن.