Open Accessڕه‌تــكرن: كرده و ستراتیجى ڤه‌كۆلینه‌كا پراگماتیكییه
Author(s) -
Sherzad Ali,
Ayad Othman
Publication year - 2018
Publication title -
mağallat ̈ğāmiʿaẗ zāẖū. b, ʿulūm insāniyyaẗ/govara zankoya zaxo ii zanistên mirovayetî
Language(s) - Persian
Resource type - Journals
eISSN - 2518-5128
pISSN - 2410-7557
DOI - 10.26436/2018.6.3.605
Subject(s) - philosophy
ڕه‌تكرن كرده‌یه‌كا گرنگه ژ كرده‌یێن ئاخڤتنێ، كو ڕۆله‌كێ دیار و كارا د ناڤ زمانێ ڕۆژنه‌یێ ئاخڤتێدا هه‌یه، ڕه‌تكرن بابه‌ته‌كێ پراگماتیكییه، چونكى گرێداى بوارێ كرده‌یێن ئاخڤتنێیه. ئه‌ڤ ڤه‌كۆلینه ب ناڤونیشان: (ڕه‌تكرن: كرده و ستراتیجى- ڤه‌كۆلینه‌كا پراگماتیكییه). ئه‌ڤ ڤه‌كۆلینه هه‌ولدده‌ت تیشكێ بێخیته سه‌ر ڕه‌تكرن و بنه‌ما و ستراتیجیه‌تێن ئه‌وێ د ناڤ كرده‌یێن: (داخوازى، پێشكێكرن، مێهڤانكرن، پێشنیازكرن)ێدا، كو ل دویڤ سێ ئاستێن تاكه‌كه‌سان د ناڤ جڤاكیدا هاتییه پۆلینكرن: (هه‌ڤ ئاست)، (ژ پله‌یه‌كا بلند بۆ نزم)، (ژ پله‌یه‌كا نزم بۆ بلند) و د ڤێرێدا هاتییه دیاركرن، كا كیژ ستراتیجییا ڕه‌تكرنێ ب ڕێژه‌یا گه‌له‌ك و كێم هاتییه بكارهینان، كو ئه‌ڤه‌ژى ل دویڤ ڕێبازا وه‌سفى شیكارى هاتییه ئه‌نجامدان و سترایتجیه‌تێن ڕه‌تكرنێ ژى زێده‌تر ل دویڤ مۆدێلا (Beebe) و هه‌ڤالێن ئه‌وییه. د شرۆڤه‌كرنا ڕه‌تكرنا كرده‌یا داخوازى و پێشكێشكرن و مێهڤانكرن و پێشنیازكرنێدا په‌نا بۆ شێوازێ ئامارى هاتییه برن. ئارمانجا سه‌ره‌كى ژ ئه‌ڤێ ڤه‌كۆلینێ ئه‌وه بهێته دیاركرن، كا د كرده‌یێن داخوازى، پێشكێشكرن، مێهڤانكرن، پێشنیازكرنێدا، ستراتیجیه‌تێن ڕه‌تكرنێ چه‌وا هاتینه بكارهینان. ئه‌ڤ ڤه‌كۆلینه ژ دوو پشكان پێكدهێت، پشكا ئێكێ ب ناڤونیشان:(ڕه‌تكرن و ئیستراتیجیه‌تێن ئه‌وێ)ه، كو تێدا به‌حسێ ئه‌ڤان ته‌وه‌ران هاتییه كرن: (ڕه‌تكرن)، (ڕه‌تكرن وه‌كو كرده‌یه‌كا ئاخڤتنێ)، (تیۆرا ڕه‌وشتى و ڕه‌تكرن)، (په‌یوه‌ندییا ڕه‌تكرنێ ب كرده‌یێن ده‌ستپێكیڤه) (ڕه‌تكرن و كه‌لتوور)، (ستراتیجیه‌تێن ڕه‌تكرنێ) پشكا دووێ یا تایبه‌ته ب (ستراتیجیه‌تێن ڕه‌تكرنا كرده‌یێن ئاخڤتنێ).