Open Accessفه‌لیتێ قوتۆ و نارسیسم (خواندنه‌كا ڕه‌خنه‌یى ده‌روونشیكارى)
Author(s) -
Hussein O. Abdulrahman
Publication year - 2018
Publication title -
mağallat ̈ğāmiʿaẗ zāẖū. b, ʿulūm insāniyyaẗ/govara zankoya zaxo ii zanistên mirovayetî
Language(s) - Persian
Resource type - Journals
eISSN - 2518-5128
pISSN - 2410-7557
DOI - 10.26436/2018.6.1.549
Subject(s) - psychology
ئه‌ده‌بێ فۆلكلۆرى، ب چه‌ق و پێكهاتێن خوه‌یێن جۆراوجۆرڤه؛ هه‌رده‌م ژێده‌رێ پێزانینێن جۆراوجۆره لسه‌ر ژیان، دابونه‌ریت، كه‌ره‌سته و جۆرێ فه‌لسه‌فه و دیتنا تاكێ كورد. (فه‌لیتێ قوتۆ) ئێك ژ چیرۆكێن فۆلكلۆریا كوردیه و ده‌مه‌كه، ژ جۆرێ ژیانا ملله‌تێ كورد و تێدا هنده‌ك ژ دابونه‌ریت، جوامێرى، مێرانى و خرابیان نیشان دده‌ت. بێگومان ئه‌ده‌ب وه‌ك پێكهاتا خوه _ چ ڕۆخسارى یان ناڤه‌ڕۆكى _ ڤه‌ده‌ر نینه ژ دۆخێن ده‌روونى. چ دۆخێن ده‌روونیێن نڤیسه‌رى بیت یان یێ خوینه‌رى یان كاره‌كته‌رى. كه‌واته هه‌ر ده‌قه‌كێ ئه‌ده‌بى دێ شێت ژ گه‌له‌ك لایه‌نان و دۆخێن ده‌روونیێن جۆراوجۆرڤه بهێته خواندن و شڕۆڤه كرن، له‌وڕا ئه‌ڤ ڤه‌كۆلینه ژى ب خواندنه‌كا ده‌روونى، به‌رێ خوه دده‌ته دۆخێ ده‌روونیێ (فه‌لیتێ قوتۆ)ى، وه‌ك كاره‌كته‌ره‌ێ سه‌ره‌كی د چیرۆكا فۆلكلۆریا (فه‌لیتێ قوتۆ)یدا. ئه‌ڤ ڤه‌كۆلینه لژێرناڤێ (فه‌لیتێ قوتۆ) و نارسیسم (خواندنه‌كا ڕه‌خنه‌یى ده‌روونشیكارى) دویڤچوونێ لسه‌ر كه‌سایه‌تیا (فه‌لیتێ قوتۆ)ى و دۆخێ ده‌روونیێ وى ژلایێ تێكچوونا ده‌روونى و نارسیسم یا خود حه‌ز ژ خوه كرنا زێده و پێگه‌هێ وى یێ جڤاكى دكه‌ت. ڤه‌كۆلین لدویڤ ڕێبازا (وه‌سفى و شڕۆڤه‌كارى) هاتیه به‌رهه‌ڤكرن و لدوماهیكێ گه‌هشتیه وێ ئه‌نجامێ كو (فه‌لیتێ قوتۆ) تووشى دۆخێ ده‌روونیێ نارسیسم بوویه و گشت بزاڤ و كریارێن وى ژى ده‌رئه‌نجامێن نارسیسمێنه