جۆراوجۆری زمانی له كۆمهڵگای كوردیدا

ئهم توێژینهوهیه تایبهت كراوه به باسكردن و شیكردنهوهى لایهنه جیاجیاكان و جۆراوجۆرى زمانى كه له چوارچێوهى كۆزمانهوانیدا (sociolinguistics) گرینگى پێدهدرێت و توێژینهوهى دهرباره دهكرێت.توێینهوهكه ههوڵدهدات وهڵامى ئهم دوو پرسیاره بداتهوه:1- ئایا جۆراوجۆرى زمانى له ههموو كۆمهڵگا زمانییهكاندا وهكو یهكه؟2- ئهو هۆكارانه چین كه دهبنه هۆى سهرههڵدان و پهیدابوونى جۆراوجۆرى له كۆمهڵگاى كوردیدا له ڕووى چۆنیهتى و چییهتییهوه؟توێژینهوهكه له دوو بهش و پێشهكى و ئهنجام پێكهاتووه. له بهشى یهكهمدا جۆراوجۆرى زمانى پێناسهكراوه و تیشك خراوهته سهر چهمك و زاراوهكانى جۆراوجۆرى زمانى له ڕوانگهى بۆچوونه جیاوازهكانى زمانهوانهكانهوه، به تایبهتى له پۆلینكردن و هۆیهكانى سهرههڵدان و پهیدابوونى جۆراوجۆرى زمانى.له بهشى دووهمدا هۆكارهكانى پهیدابوونى جۆراوجۆرى زمانى له كۆمهڵگاى كوردیدا به تێر و تهسهلى باسكراوه و نموونهى پێویست لهو بارهوه هێنراوهتهوه.له كۆتاییدا گرینگترین ئهنجامه بهدهستهاتووهكانى توێژینهوهكه و لیستى سهرچاوهكان خراوهتهڕوو.