كورد و ناوچه كورد نشینهكان له كتێبى (المسالك والممالك)ى (الاصطخري) (م: 346ك/953ز)

ئامانج لهم لێكۆلینهوهیه تیشك خستنه سهر بهرههمێكى ناوازهى یهكێك له گهریدهو وڵاتناسانى سهدهى چوارهمى كۆچى/دهیهمى زاینیى، كه ئهویش كتێبى ( المسالك والممالك) ى ( الاصگخری) یه، تایبهته به سهرجهم ئهو لایهنانهى كه پهیوهندیان به كوردهوه ههیه له رووى شوێنهكانى نیشتهجێبوونیان وهك زۆرینه یان كهمینه، ههروهها له ڕووى سروشتى و مرۆییهوهو چۆنیهتى ژیان و گوزهرانیان و ڕهوشى ئابورى و كۆمهلایهتییان، گرنگى ئهم لێكۆلینهویه لهوهدایه كه به شێوهیهكى وردو پوخت ڕووپێوى لاپهڕهكانى نێو كتێبى ناوبراوى كردووهو ههرچى پهیوهسته به كوردهوه ههڵوهستهى له سهركراوه ، ئهمهش وهك زهرورهتێك بۆ ئێمهى كورد كه بزانین له دوو تۆیێ سهرچاوهكاندا چۆن باس له ئێمه كراوهو باوك و باپیرانمان چۆن ژیاون وئاستى ژیاریان چهند بووه.گهریدهو جوگرافیناسهكانى ئیسلامى؛له سهدهكانى ناوهراستدا، ڕۆلێكى گرنگیان بینیووه، له نهخشه كێشانى جیهان به گشتى و ناچهكانى ئیسلامى بهتایبهتى.ناوچه كوردیهكانیش؛ به شیك بوون، لهو نهخشه و باسكردنهدا،به شێوهیهك ئهم گهریدانه، سهردانى زۆربهى ناوچه كوردنشینهكانیان كردووه، ئاماژهیان به نهتهوهى كورد و داب و نهریت و لایهنى ئابورى وسیاسى و كارگێڕى كردووه، ئهمهش بۆته هۆى سهرچاوهیهكى زانیارى پڕ بایهخ، لهو ماوه مێژووییه بۆ كورد ماوهتهوه.