Open Accessڤه‌كۆلینا ئاكۆستیكییا ڤاولێن زمانێ كوردى (گوڤه‌را به‌هدینى)
Author(s) -
M. Bijankhan,
Salwa F. Saleh
Publication year - 2017
Publication title -
mağallat ̈ğāmiʿaẗ zāẖū. b, ʿulūm insāniyyaẗ/govara zankoya zaxo ii zanistên mirovayetî
Language(s) - Persian
Resource type - Journals
eISSN - 2518-5128
pISSN - 2410-7557
DOI - 10.26436/2017.5.1.143
Subject(s) - mathematics , botany , biology , forestry , geography
ب شێوه‌یه‌كێ گشتى هه‌ر زمانه‌ك ژ كۆمه‌كا ده‌نگێن (ڤاول و كۆنسۆنانت) پێكدهێت، هژمارا ڤان ده‌نگان ژى ژ زمانه‌كى بۆ زمانه‌كێ دى دهێته گوهۆڕین. بێ گومان ده‌نگێن ڤاول ڕۆله‌كێ تایبه‌ت د سیسته‌مێ فۆنه‌تیكییا هه‌ر زمانه‌كیدا دگێریت. زۆربه‌یا زمانان ڤاولێن تایبه‌ت بخوه‌ڤه هه‌نه و هژمارا وان وه‌كى ئێك نینن. زمانێ كوردى ژى وه‌كى هه‌ر زمانه‌كێ دى هژماره‌كا ڤاولێن تایبه‌ت بخوه‌ڤه هه‌نه، لێ هه‌تا نهو، ناكوكى لسه‌ر هژمارا وان هه‌یه و ڤه‌كۆله‌رێن كورد و بیانى لسه‌ر ڤێ چه‌ندێ بیروبۆچوونێن جیاواز هه‌نه. ئه‌ڤ ڤه‌كۆلینه لژێر ناڤونیشانێ (ڤه‌كۆلینا ئاكۆستیكییا ڤاولێن زمانێ كوردى - گوڤه‌را به‌هدینى)، هه‌ولدایه ڤاولێن زمانێ كوردى - گوڤه‌را به‌هدینى د تاقیگه‌ها ده‌نگى و د باره‌دۆخه‌كێ ئاكۆستیكیدا دانیته به‌ر به‌حس و ڤه‌كۆلینێ، ئه‌ڤه ژ پێخه‌مه‌ت ڤێ یه‌كێ داكو ب شێوه‌یه‌كێ زانستیتر باسى هه‌بوون و سیمایێن ڤاولێن زمانێ كوردى - گوڤه‌را به‌هدینى بكه‌ین. گریمانا سه‌ره‌كییا ڤه‌كۆلینێ ئه‌ڤه‌یه (ئه‌م دشێین د باره‌دۆخه‌كێ تاقیگه‌هیدا ب هاریكارییا پیڤه‌رێن (F₁) واته، بلنداهییا زمانى و (F₂) واته، جهێ دروستبوون و شێوێ لێڤان و (Duration) واته، درێژاهییا زاركرنا ڤاولێ، ده‌ستنیشانا ڤاولێن كوردى - گوڤه‌را به‌هدینى بكه‌ین و وان ژ هه‌ڤدوو جیاواز بكه‌ین. ڤه‌كۆله‌ر ل دوماهیێ ڤێ گریمانێ دسه‌لمینین و نیشاندده‌ن د زمانێ كوردی - گوڤه‌را به‌هدینیدا (8) ڤاول هه‌نه.