Open Accessگشتپرسی وەك ئامرازەکێ دیموکراسییا نیمچە راستخو
Author(s) -
Renjbar J. Sh. Mohammed
Publication year - 2020
Publication title -
academic journal of nawroz university
Language(s) - Northern Pashto
Resource type - Journals
ISSN - 2520-789X
DOI - 10.25007/ajnu.v9n4a976
Subject(s) - computer science
بابه‌تێ گشتپرسیێ وه‌ك شێوازه‌كێ دیموكراسیه‌تا نیمچه سه‌ربه‌خو، ئێك ژ بابه‌تێن گرنگه د چارچوڤێ یاسا ده‌ستوریدا، چونكى ل گوره‌ى گشتپرسیێ ده‌رفه‌ت ژبو گه‌لى په‌یدا دبیت ده‌ربرینێ ب رازیبونێ یان نه‌رازیبونێ ژ رایا خو بكه‌ت لسه‌ر بابه‌ته‌كێ گشتى یێ ده‌ستنیشانكرى چ ئه‌ڤ بابه‌ته بابه‌ته‌كێ سیاسى بیت یان ده‌ستورى بیت یان یاسایه‌كا نورمال بیت. واته گرنگیا بابه‌تێ گشتپرسیێ د ئه‌ڤێ چه‌ندێ دایه كو رێخوشكه‌ره‌كه ژبو گه‌لى به‌ژدارى دورستكرنا بریارێن گرنگ ببیت، وچاره‌نڤیسێ وان ئێكلابكه‌ت. ئه‌ڤ چه‌نده دیموكراسیه‌تا ئه‌ڤێ پروسێسێ دیاردكه‌ت، وبه‌لانسێ دناڤبه‌را دیموكراسیه‌تا راسته‌وخو ودیموكراسیه‌تا نوینه‌رایه‌تیدا په‌یدا ده‌ت. به‌لێ سه‌ره‌راى ئه‌ڤێ چه‌ندێ بابه‌تێ گشتپرسیێ مینا بابه‌تێن دى یێن یاسا ده‌ستورى نه‌كه‌فتیه به‌ر ڤه‌كولینێن زانستى، بشێوه‌یه‌كى دگه‌ل گرنگیا ئه‌ڤى بابه‌تى بگونجیت. له‌ورا دێ ڤه‌كولینا مه لسه‌ر (گشتپرسى وه‌ك ئامرازه‌كێ دیموكراسییا نیمچه راسته‌وخو) بیت، كو هاتیه دابه‌شكرن ل سه‌ر دوو ته‌وه‌ران، ته‌وه‌رێ ئێكێ یێ تایبه‌ته ب دیاركرنا تێگه‌هێ گشتپرسیێ وبنیاتێ وێ یێ یاسایى، وهه‌روه‌سا ته‌وه‌رێ دووێ یێ ته‌رخانكریه ژبو دیاركرنا جۆرێن گشتپرسییێ وبنه‌مایێن سه‌ركه‌ڤتنا وێ. وهه‌روه‌سا لدوماهیكا ئه‌ڤێ ڤه‌كولینى دێ گرنكترین ئه‌نجام وپێشنیاران دیاركه‌ین.