Open Accessره‌خنا كارتێكرنێ (ئنتیباعى) سه‌رهلدان، بنه‌ما و چاوانیا كاركرنێ ( تێكستا جهور وه‌ك نموونه)
Author(s) -
MiematAllah H. Hamid,
Huda S. Ahmed
Publication year - 2019
Publication title -
academic journal of nawroz university
Language(s) - Persian
Resource type - Journals
ISSN - 2520-789X
DOI - 10.25007/ajnu.v8n1a318
Subject(s) - computer science
ره‌خنا ئه‌ده‌بی یا ئنتیباعى - كارتێكرنێ، وه‌كو میتود یان ئاراسته‌یه‌كا ره‌خنه‌یی دناڤ ره‌خنا روژئاڤایی دا سه‌رهلدایه وه‌ك كارڤه‌دانه‌ك ل دژى ئه‌وان پرنسیپ و یاسا و بهایێن به‌رى هینگێ دره‌خنا ئه‌ده‌بی دا دپه‌سه‌ند و كار پێ دهاته كرن. ئه‌ڤێ بزاڤێ ل ده‌ستپێكێ دناڤ بیاڤێ هونه‌رێ شێوه‌كارى دا سه‌رهلدا و پاشی چوویه دناڤ ئه‌ده‌بیات و ره‌خنا ئه‌ده‌بی دا. ره‌خنا ئنتیباعى شیا ب رێكا ئه‌وان دیتن و بنه‌مایێن ژلایێ وێڤه په‌سه‌ند، وه‌رچه‌رخانه‌كێ و شوره‌شه‌كێ لسه‌ر قالب و شێوازێن كاركرنا ره‌خنه‌گران دروست بكه‌ت. ئارمانج ژ ئه‌ڤێ ڤه‌كولینێ ئه‌وبوویه، كو خوینده‌ڤانێ كورد ب بنه‌ما و شێواز و چاوانیا كاركرنا ئه‌ڤێ میتودا ره‌خنه‌یی ئاشنا ببیت. دیسان پێنگاڤه‌كه ژبوى پراكتیزه‌كرنا بنه‌مایێن ئه‌ڤێ میتودا ره‌خنه‌یی لسه‌ر تێكستێ ئه‌ده‌بی یێ كوردى، داكو دیارببیت ب چ شێوه ره‌خنه‌گرێن كورد(خوانده‌ڤان) دشێن ئه‌ڤێ میتودێ بكاربینن ژبۆ ئافراندن و نڤیسینا ده‌ربرینه‌كا ئنتیباعى یا كاریگه‌ر و چێژ به‌خش. هه‌لبه‌ت دئه‌ڤێ ڤه‌كولینێ دا دیاربوویه كا تا چ راده تێكستێ هوزانێ (جهور)، شیایه تێكسته‌كێ كاریگه‌ر به‌خش بیت بو ئه‌وان خوانده‌ڤان و ره‌خنه‌گرێن خواندنێن خوه لسه‌ر كرین. دیسان هاتیه دیاركرن كو تێگه‌ه و بنه‌مایێن ئه‌ڤێ میتودا ره‌خنه‌یی تا راده‌یه‌كێ بو خوینده‌ڤان و ره‌خنه‌گران دبه‌رنیاس نه‌بووینه، له‌ورا دخواندن و نڤیسینا ئنتیباعێن وان كه‌سێن خواندن بۆ ئه‌وێ تێكستێ كرین، هنده‌ك تێكه‌لى ل گه‌ل پرنسیپ و بنه‌مایێن میتودێن دیترێن ره‌خنا ئه‌ده‌بی به‌رچاڤ دبن. دئه‌نجام دا دیاربوویه كو ئه‌ڤ تێكسته شیایه هنده‌ك ده‌ربرین و تێكستێن ره‌خنه‌یێن ئنتیباعى ب رێكا پروسه‌یه‌كا كارلێكیێ، بئافرینیت.