Open Accessپراكتیزه‌كرنا بنه‌مایێن ره‌خنا ره‌وشه‌نبیرى لسه‌ر كۆمه‌له چیرۆكێن "شه‌ڤا دوماهیێ" یا چیرۆكنڤیس (جه‌لال مسته‌فا) دا
Author(s) -
Intesar Najeb Joqe,
Huda Sadeeq Ahmad,
Rondik Muhsin Ismail
Publication year - 2021
Publication title -
academic journal of nawroz university
Language(s) - Persian
Resource type - Journals
ISSN - 2520-789X
DOI - 10.25007/ajnu.v10n3a967
Subject(s) - computer science
ره‌خنا ره‌وشه‌نبیرى ئیك ژتیورێن ره‌خنه‌یى یێن نویه یێن پشتى نویخوازیێ (بونیادگه‌ریێ)، گرنگیێ دده‌ته ڤه‌دیتنا جۆرێ رۆشه‌نبیریێ، جڤاك، سیاسه‌ت و مێژوویێ دناڤ تێكستێن ئه‌ده‌بیدا گه‌له‌ك جاران كو گرنگیێ دده‌ته بابه‌تێن فه‌راموشكری یان قه‌ده‌غه‌كرى دناڤ جڤاكیدا ب مه‌ره‌ما پێشڤه‌برنا جڤاكى، لگه‌ل هندێدا پیرۆزیێن جڤاكى، داب و نه‌ریت و بیروباوه‌ران لبه‌رچاڤ وه‌ردگریت، له‌ورا ژى ب ره‌خنه‌كا ئایدولوژى، هزرى و بیروباوه‌رى دهێته نیاسین.ره‌خنا ره‌وشه‌نبیرى ئاماژه‌یه‌كا ره‌وشه‌نبیرى یه به‌رى كو به‌هایه‌كێ جوانكارى هه‌بیت، ره‌خنه‌گرێ وێ پێدڤى ب رێره‌وێ تێكست تێدا به‌رهه‌م هاتى دبیت و پاشى شرۆڤه‌كرنێ دكه‌ت ئه‌وژى دا پێشنیارا چاره‌كرنێ بۆ وێ كێشه و كێماسیا ده‌ستنیشانكرى بكه‌ت. ئه‌ڤ ڤه‌كۆلین ته‌رخانكریه ژبۆ ڤه‌دیتن و شرۆڤه‌كرنا بابه‌تێن هه‌مه‌جۆرێن ره‌وشه‌نبیرى و جڤاكى دناڤ چیرۆكێن"شه‌ڤا دوماهیێ" یا چیرۆكنڤیس (جه‌لال مسته‌فا)دا. بابه‌تێ هه‌ردوو چیرۆكێن هه‌لبژارتى ((زڤرۆك)) و ((كۆشتنا خه‌ونان)) ژ كه‌لتۆر و كه‌توارێ جڤاكێ كوردى هاتیه وه‌رگرتن، بابه‌تێ چیرۆكا ((زڤرۆك)) هه‌تا نهۆ ژى وه‌ك هزر مایه به‌لێ رێژه‌كا كێمه، راسته ئایین و ره‌وشه‌نبیریه‌ت د تێگه‌هشتنا گه‌ردوونى دا نێزیكى ئێك دبن، به‌لێ هنده‌ك جاران هه‌ڤركى و دووبه‌ره‌كیێ دناڤ چیناندا دروست دكه‌ت ئه‌ڤه ژى دچیرۆكا ((زڤرۆك))دا ره‌نگڤه‌دده‌ت، بابه‌تێ چیرۆكا ((كوشتنا خه‌ونان)) ره‌نگڤه‌دانا بابه‌تێن سیاسى و كه‌لتۆرى و ئه‌ڤینیه.