Open AccessԵրիտասարդ հայ ընտանիքի սոցիոլոգիական ուսումնասիրություն
Author(s) -
Gevorg Poghosyan
Publication year - 2014
Publication title -
wisdom
Language(s) - Uncategorized
Resource type - Journals
SCImago Journal Rank - 0.188
H-Index - 2
eISSN - 2738-2753
pISSN - 1829-3824
DOI - 10.24234/wisdom.v2i3.110
Subject(s) - environmental science
Անցած դարի վերջին քսանամյակից սկսած՝ հայ ավանդական ընտանիքի մոդելն ու հասարակական ընկալումները սկսել են փոփոխվել: Նորաձև ռեֆորմների և արդի սոցիալ-տնտեսական պայմանների ազդեցության ներքո տեղի են ունենում հայ ընտանիքի ավանդական հիմքերի թուլացում ու ազգային արժեհամակարգի փոփոխություն: Ծնելիության նվազման պատճառով նվազագույնի է հասել երիտասարդ ընտանիքներում երեխաների թիվը, զգալիորեն աճել է ամուսնալուծությունների, միայնակ մայրերի և անօթևան երեխաների թիվը:
Հոդվածում քննության են առնվում մեր կողմից ՀՀ-ում իրականացված սոցիոլոգիական հետազոտությունների արդյունքները` նվիրված երիտասարդ սերնդի արդի դիրքորոշումներին: Ստացված տվյալները փաստում են, որ հայ երիտասարդության շրջանում բավականին շատ են երկրից հեռանալու, արտագաղթելու մտադրությունները: Ընդ որում երկրից մեկնելու մտադրության հիմնական պատճառներն են՝ արտերկրում ուսում ստանալը, աշխատանք որոնելը, գործազրկությունն ու վատ տնտեսական իրավիճակը: Հազար հարցված երիտասարդներից ավելի քան մեկ քառորդն իրենց ապագան չեն տեսնում մեր երկրում: Իրենց կյանքում երիտասարդներն արժևորում և ամենակարևորն են համարում, նախևառաջ, ընտանիքը, աշխատանքն ու ընկերները, ծանոթները:Մտահոգիչ է այն, որ երիտասարդների 22 %-ը դեռ չի մտածել ընտանիք կազմելու մասին, իսկ 26% ընդհանրապես մտադիր չէ ընտանիք կազմել: Միաժամանակ, ընտանիք ունեցողների կամ ընտանիք կազմելու մտադրվածների գրեթե կեսը ցանկանում է միայն երկու երեխա ունենալ:
Ամփոփելով կարելի է ասել, որ երիտասարդների կեսն է մտադիր ապագայում ընտանիք կազմել, իսկ դրանցից միայն երկու երրորդն է ցանկանում ունենալ 2-3 երեխա: Սա իր հերթին նշանակում է, որ ապագայում մեր երկրում բնակչության նույնիսկ պարզ վերարտադրությունը վտանգված է:
Accelerating Research
Robert Robinson Avenue,
Oxford Science Park, Oxford
OX4 4GP, United Kingdom
Address
John Eccles HouseRobert Robinson Avenue,
Oxford Science Park, Oxford
OX4 4GP, United Kingdom