Open AccessՖրոյդ-շնիցլեր. Գրական-փիլիսոփայական երկխոսություն
Author(s) -
Sona Galstyan
Publication year - 2014
Publication title -
wisdom/imastut'yun
Language(s) - Uncategorized
Resource type - Journals
SCImago Journal Rank - 0.188
H-Index - 2
eISSN - 2738-2753
pISSN - 1829-3824
DOI - 10.24234/wisdom.v2i3.109
Subject(s) - political science
Շնիցլերի այն մոտեցումը, որ վարվելակերպի շարժիչ ուժը թաքնված է մարդու ենթագիտակցության մեջ, անխոս միավորում է գրողին Ֆրոյդի հետ: Ինչպես նշվեց, նրանց հարաբերությունները գիտական քննության շրջանակներում ցայսօր նույնքան հակասական են, որքան գրականություն-հոգեվերլուծություն հակասությունը: Անդրադառնալով գրական ստեղծագործություններին` Ֆրոյդը մի որոշակի դիտանկյունից բարձրացնում է պոետիկական ստեղծագործության՝ որպես գիտակցության այլընտրանքային միջոցի վարկանիշը: Սա էր հավանաբար պատճառը, որ գրողներն առաջինը դրական արձագանքեցին Ֆրոյդի գաղափարներին: Առհասարակ որևէ գրողի և հատկապես վիենական մոդեռնիստներին Ֆրոյդը համարում է իր ուսմունքին ենթագիտակցորեն գաղափարակից: Մյուս կողմից` Ֆրոյդը միանշանակորեն ձգտում է ցույց տալ գրականության հանդեպ գիտության գերակա դիրքը: Վիենական մոդեռնիստները (նկատի ունենք նաև Շնիցլերին) թեպետ առաջինն էին, ովքեր դրական արձագանքեցին Ֆրոյդի ուսմունքին, այնուամենայնիվ նրանք այն կարծիքին էին, որ Ֆրոյդը պարզապես համակարգում էր այն գիտական հատիկը, որը մինչ հոգեվերլուծության ի հայտ գալը արդեն ասվել էր գրականության մեջ: