Luis F. Iglesias (1915-2010), pedagogo latinoamericano, Galicia e Nova Escola Galega, con Jesualdo ao fondo

Ao longo do século XIX e ata 1936 en Iberoamérica exerceron como docentes varias decenas de profesores galegos. No presente caso, sen embargo, queremos referirnos a un fillo de pai e de nai galega, pero el xa nacido na Argentina, o profesor Luís F. Iglesias, destacado  e recoñecido pedagogo, mestre de escola rural inicialmente, impulsor da Escola Nova, didacta, creador de material didáctico, formador de profesores en diversos lugares da xeografía americana, relacionado con outros destacados educadores latinoamericanos, e con Galicia sempre no corazón, como aquí se pon de manifesto.