Achegamento á literatura infantil galega dende unha perspectiva ecocrítica

Neste traballo evidénciase a capacidade da literatura infantil para formar a nenez nos valores vinculados co universalismo, que se consideran imprescindibles para a preservación do medio ambiente e mesmo harmonizar a relación entre os seres humanos e a natureza. Dende estes parámetros, faise unha achega á ecocrítica que intercomunica ecoloxía e literatura e realízase un breve repaso por aquelas obras da literatura infantil galega que impulsan unha ideoloxía ecolóxica entre o seu lectorado.