Eduardo Alonso e a dramática da experiencia

Ao longo dos últimos anos Eduardo Alonso vén estreando espectáculos creados a partir de textos propios, entre os que destacan un conxunto de propostas que se asentan nunha visión crítica, aceda, pero tamén irónica, dos asuntos do presente. Con este traballo, no que se fai unha breve revisión da súa traxectoria como autor dramático pero tamén como axente activo do sistema teatral galego, analizamos os trazos substantivos dun conxunto de textos nos que abrollan aspectos singulares da experiencia humana, moi marcada pola derruba e pola derrota, como acontece en Confesión, Extrarradios, Último cowboy ou Linda and Freddy, ilusionistas.