Open Accessكاريگەريى ڕۆڵى سەركردە لە سەر بارودۆخى سياسى باكور و باشورى كوردستان لە نێوان ساڵانى ١٩١٨- ١٩٢١
Author(s) -
Hewa H. Shareef
Publication year - 2019
Publication title -
mağallaẗ ğāmiʿaẗ kūyaẗ li-l-ʿulūm al-insāniyyaẗ wa-al-iğtimāʿiyyaẗ
Language(s) - Persian
Resource type - Journals
eISSN - 2707-9341
pISSN - 2522-3259
DOI - 10.14500/kujhss.v2n2y2019.pp78-86
Subject(s) - psychology
ئەم توێژينەوەيە هەوڵێكە بۆ تيشك خستنەسەر ڕۆڵ و هەڵوێستى سياسى و سەربازى سەركردە كوردەكان لە باكور و باشورى كوردستان، مەبەست لە زاراوەى (سەركردە) لەم توێژينەوەيەدا ئەو سەركردە خۆجێى و ناوچەيیانەيە كە لە دواى جەنگى يەكەمى جيهانى دەركەوتن و ڕۆڵ و چالاكى سياسى و سەربازيان لە ناوچەكانى خۆيان بينيوە، هەڵوێست و كردار و بڕيارەكانيان كەم تا زۆر كاريگەرى ئەرێنى و نەرێنى بۆ سەر دوا ڕۆژى سياسى هەبووە. دواى جەنگى يەكەمى جيهانى و شكستى دەوڵەتى عوسمانى لە جەنگەكەدا چەند گۆڕانكاريەكى گەورەى لە كوردستان بە دواى خۆيدا هێنا، كە خۆى لە كۆتايهێنان بە دەسەڵاتى عوسمانيەكان لە كوردستان هێنا و بەمەش بۆشايەكى سياسى و كارگێرى ناوچە كوردنشينەكانى گرتەوە، ئەم پێشهاتانە دەرفەتێكى سياسى گونجاوى بۆ كورد هێنايە پێش تا پرسە نەتەوەيى و سياسيەكەى بەرەو پێش ببات، بەڵام بە هۆى چەند هۆکارێكەوە كورد نەيتوانى دەرفەتەكە بقۆزێتەوە، كە يەكێك لەم هۆکارانە كورتبينى و كەم ئەزمونى (سەركردە) كانى كورد بو لە كارى سياسيدا. توێژينەوەكە لە پێشەكى و دەروازەيەك و دو تەوەر و ئەنجام پێكهاتووە، دەروازەكەى بۆ خستنەڕوى بارودۆخى سياسى و سەربازى و كۆمەڵايەتى لە ناوچە كوردنشينەكانى باكور و باشورى كوردستان لە پێش و لە سەروبەندى جەنگی يەكەمى جيهانى تەرخانکراوە. تەوەرەى يەكەم بۆ ڕۆڵ و چالاكى و كاريگەرى (سەركردە) سياسى و سەربازيە كوردەكانى باكورى كوردستان لە ڕوداوەكانى دواى جەنگى يەكەمى جيهانى تەرخان كراوە. تەوەرەى دووەميش پێكهاتووە لە ڕۆڵ و هەڵوێست و كاريگەرى (سەركردە) كوردەكانى باشورى كوردستان بەرامبەر بارودۆخى سياسى و سەربازى لە دواى جەنگى يەكەمى جيهانى.