Gure bihotzeko kalmodulina

Kaltzioa seinaleztapen unibertsaleko mezulari bat da, funtsezko prozesuetan parte hartzen duena,hala nola apoptosian, zelulen proliferazioan eta muskuluen uzkurduran. Prozesu hauetan parte hartzen duten proteina askok ioi honen kontzentrazioari erantzuteko kaltzio sentsore batekin, Kalmodulinarekin (CaM), elkarreragin behar dute. Honek ehunka proteinen aktibitatea erregulatzen du bere N- eta C-lobuluen bidez, non EF-eskuak aurkezten dituen Ca2+-ari lotzeko. Zelulen seinaleztapenean CaM-ak duen papera hedatuta dagoen arren, bere mutazioek bereziki bihotzari eragiten diote. Izan ere, CaM-a proteina berdinak kodetzen dituzten hiru geneetako edozeinetan gaixotasunak eragiten dituzten mutazioek bihotz-disfuntzio larriak eragiten dituzte, eta horrek kitzikagarritasunaren erregulazioan duen garrantzia adierazten du. Beraz, esku hartzen duten mekanismoen ezagutzak aukera eman dezake adierazpen klinikoei modu kritikoan heltzeko eta kalmodulinopatietarako estrategiaterapeutikoak garatzen laguntzeko.