Open AccessEnergia 2030 Agendan eta Garapen Iraunkorrerako Helburuetan: 7. GIHaren xede eta adierazleen analisia Euskal Autonomia Erkidegoan
Author(s) -
Unai Villena,
Ortzi Akizu
Publication year - 2021
Publication title -
ekaia
Language(s) - Ngandi
Resource type - Journals
eISSN - 2444-3255
pISSN - 0214-9001
DOI - 10.1387/ekaia.22093
Subject(s) - political science
Artikulu honek Nazio Batuen 2030 Agendako Garapen Iraunkorrerako Helburuen (GIH) artean zazpigarrena aztertzen du: biztanle ororentzat energia garbia eskuragarri izatea. Helburu hori lurralde ezberdinetan inplementatzeko eta bere jarraipena egiteko bideak aztertu dira, eta hainbat autoreren arabera dituen alde on edo potentzialtasunak eta argi-ilunak. Azken urteotako literaturak GIHen jarraipenari buruz zer dioen berrikusi da eta horren ostean 7. GIHaren ezarpena makro eskalatik mikro mailara nolakoa izaten ari den aztertu da, Europatik hasita, Euskal Autonomia Erkidegoko (EAE) kasu konkretua ardatz gisa hartuz. Horretarako, gobernu maila ezberdinek (besteak beste, Europar Batasuna, Espainiar Estatuko gobernua, Eusko Jaurlaritza, Foru Aldundiak eta Udalak) 7.GIHa lortze aldera zehaztu dituzten xedeak eta adierazleak alderatu dira, beren aniztasuna erakutsiz, eta 2017 urtera arte adierazle horiek izandako bilakaera aztertu da. Azterketatik ondorioztatu da, Europa mailan, helburuen estandarizazioa badagoen arren, helburuok ez dituztela adierazle nahikoa estatu mailan eta hortik beherakoetan, ezarririko xedeen jarraipen osatua egiteko. Hala, adierazleak estandarizatzen eta datu-iturriak hobetzen jarraitzeko beharra ikusi da, konparaketak egiteko dakartzan zailtasunak agerian utziz.