Open AccessIsolamendu molekularrean oinarritutako gas faseko espektroskopiaren abantailak antrazenoan oinarritutako polimeroaren karakterizazioan
Author(s) -
Maider Parra Santamaria,
Imanol Usabiaga Gutiérrez,
Aran Insausti Beiro,
Ander Camiruaga Leza,
Antonio Veloso Fernández,
Francisco José Basterretxea Elguezabal
Publication year - 2021
Publication title -
ekaia
Language(s) - Uncategorized
Resource type - Journals
eISSN - 2444-3255
pISSN - 0214-9001
DOI - 10.1387/ekaia.21857
Subject(s) - materials science , physics
Molekulen propietate fisiko-kimikoen jatorria ezagutzea ezinbestekoa da material berrien garapenerako. Hala ere, teknika esperimental konbentzionalen mugak direla eta, aipatutako helburua betetzea ez da erraza. Erronka hau gainditzeko beharrezkoa den zehaztasuna egoera isolatutako ikasketetan eskuragarri dago. Kasu honetan, konduktantzia altua aurkezten duen antrazeno unitatez osatutako foldameroen familia berriaren propietate intrintsekoak aztertu dira egoera isolatutako RIDIRS (Resonant Ion Dip Infrared Spectroscopy) laser-espektroskopia eta espantsio supersonikoak erabiliz. Modu horretan, isolatutako molekulen berezko infragorri espektro esperimentala eta DFT (Density-functional theory) kalkuluen emaitzak konparatu dira antrazeno monomeroen arteko π-π elkarrekintzen nagusitasuna determinatu ahal izateko. Horren ondorioz, laser-espektroskopia gainerako karakterizazio-teknikentzako osagarri ezin hobea dela egiaztatu da.