Open AccessOlatu-kanal baten balioztatze esperimentala eta konputazionala
Author(s) -
Íñigo Marzábal Albaina,
U. Izquierdo,
Lander Galera Calero,
Iñigo Albaina Lopez de Armentia,
Gustavo Adolfo Esteban Alcalá,
Ander Aristondo,
Alberto Bandrés,
Jesús María Blanco Ilzarbe
Publication year - 2020
Publication title -
ekaia
Language(s) - German
Resource type - Journals
eISSN - 2444-3255
pISSN - 0214-9001
DOI - 10.1387/ekaia.21107
Subject(s) - physics , humanities , art
BiMEP-Biscay Marine Energy Platform- eta Mutriku Wave Energy Plant-eko azpiegituretan itsas energiaren inguruko ikerkuntza egiten da, itsas baldintza errealetan. Bilboko Ingeniaritza Eskolako Fluidoen Mekanikako laborategian dagoen olatu-kanala (12,5 × 0,6 × 0,7 m, luzera × zabalera × sakonera) azpiegitura horietan izaten diren baldintzak erreproduzitzeko gai da, eskala txikiago batean. Olatu-kanal horrek, pistoi motako olatu-sorgailu bat erabiliz, olatu monokromatiko eta pankromatiko mota desberdinekin lan egiteko aukera eskaintzen du. Ultrasoinuak erabiltzen dituzten zenbait zundak ur-gainazalaren desplazamendu bertikala neurtzen dute, eta tankearen amaieran kokatuta dagoen hondartzak, parabola-formadunak, olatuaren energia disipatzen du horren islapena murriztuz. «Reynolds Averaged Navier Stokes» (RANS) ekuazioetan oinarritutako zenbakizko modelo bat sortu da Star-CCM+ kode komertziala erabiliz, gainazal askean gertatzen diren fenomenoak simulatzeko. Zenbakizko modelo horren balioztatzea aurkezten da artikulu honetan, sakonera, olatu-altuera, uhin-luzera eta periodo desberdinak bateratuta eta egindako esperimentu sortarekin konparatuta. Emaitza guztiak fluxu potentzialaren teoriatik lortutako emaitza analitikoekin batera aztertu dira. Lan honetan aurkezten diren esperimentuek kanal horren eraginkortasunaren mugak ezartzen dituzte, olatuen sorkuntzari, hedapenari eta suntsipenari dagokienez. Etorkizunean egingo diren ikerkuntza-lanetako parametroak ezartzeko ere baliogarria izan da lan hau: egitura flotagarrien eta olatuen arteko interakzioa, olatu energiaren bihurgailuak eta ainguratze- eta amarradura-sistemak aztertuko dira.