Open AccessHarizko elektrohigadura bidezko ebaketa-prozesuko aldagaien azterketa altuera aldakorreko piezak ebakitzeko
Author(s) -
A. Conde,
J.A. Sánchez,
Soraya Plaza,
Jun Wang
Publication year - 2019
Publication title -
ekaia
Language(s) - Uncategorized
Resource type - Journals
eISSN - 2444-3255
pISSN - 0214-9001
DOI - 10.1387/ekaia.19934
Subject(s) - political science
Harizko elektrohigadura bidezko ebaketa-prozesua (WEDM) ezinbestekoa da gaur egun, industriak gainazal-akaberen eta dimentsio-perdoien inguruan eskatzen dituen fabrikazio-eskakizun zorrotzak betetzeko. Prozesuari buruzko ezagutzarekin batera softwarearen garapena integratzen duen ingurune batetik abiatuta, makina adimendunaren funtzionamenduaren helburua lortu ahal izango da; hots, makinak bakarrik, fidagarritasunez eta doitasunik galdu gabe funtzionatzea. Baina, horretarako, arazo larrien konponketak optimizatu behar dira; esate baterako, altuera aldakorreko piezak ebakitzeko arazoa. Lan honetan, altuera aldatzen den guneetan ebaketa-prozesuaren aldagairik esanguratsuenen portaera aztertzeko aukera ematen duen industria-sistema bat garatu da. Hau da, aurrea hartu ahal izango zaie arrazoi horrengatik gerta daitezkeen aldaketei, eta, horri esker, haria apurtzea edo prozesuaren harroketa-tasa txikitzea eragin dezaketen ezegonkortasun-arazoak saihestuko dira; hau da, produktibitateak behera egitea eragotz daiteke.