INGLIZ VA O‘ZBEK XALQ OG‘ZAKI IJODI O‘XSHASH JANRLARIDA ALLITERATSIYA VOSITASINING QIYOSIY TAHLILI

Xalq og‘zaki ijodi badiiy adabiyotning eng qadimiy shakllaridandir. Chunki, asarlarning dastlabgi shakllari og‘zaki shaklda avloddan avlodga yetqazilgan va xalqning xotira kuchi sababli bizgacha yetib kelgan. Keyinchalik esa og‘zaki namunalar yozib olish orqali yozma namunalarga aylanib borgan. Xalq og‘zaki ijodida alliteratsiyaning qo‘llanilishi, ma’lum jumlani oson eslab qolishga yordamlashadi va ularning jarangdorligini oshiradi. Folklor namunalari paydo bo‘lgan paytda hali badiiy san’at vositalari alohida ajratilmagan va qoidaga solinmagan bo‘lsa ham, alliteratsiya vositasining ular tarkibida uchrashi uning tarixi qanchalik uzoqga borib taqalishini isbotlaydi. Quyida ingliz va o‘zbek adabiyoti folklor namunalarida alliteratsiya(tavze) kelgan o‘rinlar va ularning o‘xshash, farqli jihatlari haqida fikr yuritiladi.