Оcular manifestation in Goldenhar syndrome- case report

Синдромот на Голденхар (ГХC) е комплексен синдром кој се карактеризира со комбинација од аномалии: хемифацијална макросомија, мандибуларна хипоплазија,окуларни дермоиди, абнормалности на ушите и вертебрални нарушувања.Инциденцијата на ГХС е околу 1 на 5000 до 25 000 живородени. Застапеноста на машкиот во однос на женскиот пол е 3:2.Етиологијата на оваа ретко заболување не е целосно разјаснета. Протоколот за лекување зависи од возраста на пациентот и системските клинички презентации.Во трудот прикажуваме случај на жена на 46-годишна возраст со Голденхар синдром,кај која тој се манифестирал со фацијална асиметрија, епибулбарни дермоиди, редукција на слухот и сколиоза. Бидејќи се работи за конгенитален синдром, животот на овие луѓе е комплексен уште од најрана возраст. Потребно е навремено препознавање на овој синдром и мултидисциплинарен пристап во лекувањето на овие пациенти, со тим на лекари специјалисти, за да им се овозможи што е можно пооптимално функционирање во средината.