Temáticas transgénero na literatura infantil

Este artigo esboza unha perspectiva da presenza de temáticas transxénero na literatura infantil publicada en varios países e linguas, e busca, necesariamente de forma non exhaustiva, identificar, contextualizar e analizar un conxunto representativo de libros para a primeira infancia que inclúen explicitamente o tema da transxeneridade, ou que o traballan implicitamente a partir dun dos principais outputs da identidade de xénero – a vestimenta –, naqueles chamados “os libros dos vestidos”. Despois das primeiras consideracións introductorias, proséguese coa intersección das temáticas transxénero na literatura en xeral coa súa presenza nos libros para a infancia, trazando brevemente unha evolución histórica e describindo a súa importancia para un primeiro movemento didáctico da transxeneridade. Na análise dos libros, ademais de distinguir o tratamento explícito ou implícito do tema, prestamos especial atención ao tipo de marcas e metáforas utilizadas para transmitir a disconformidade de xénero e a transición, procurando sempre considerar a calidade das propostas e as súa adecuación aos destinatarios ou aos obxectivos activistas dos autores.