Con letras se hacen palabras: contribuciones para una caracterización del 'libro-abecedario' para la infancia

Existe unha concienciación pública e política no sentido dunha promoción precoz de prácticas de lectura, pola exposición á linguaxe oral, á linguaxe escrita e aos libros (Strickland & Morrow, 1989). A investigación demostrou que a aprendizaxe da lectura e a motivación para ler comezan antes da entrada na escola. Para o seu desenvolvemento é crucial a sensibilización de pais e educadores no que se refire á promoción de actividades ao redor do libro (Pressley, 1999; Whitehurst & Lonigan, 2001; Gillen & Hall, 2003). Entre as estratexias de promoción da lectura e da construción de competencias lecto-literarias, sinálase o contacto precoz, asiduo e próximo cos libros, posibilitando o manexo libre, intuitivo e lúdico e asociándoo a intres de pracer e afectividade. Entre a vasta oferta de libros infantís no mercado editorial portugués, encóntranse dispoñibles libros- alfabeto que parecen cumprir cos obxectivos enunciados. Partindo dun corpus exemplificativo, propoñémonos dar conta dalgunhas das máis relevantes singularidades textuais e visual/gráficas de títulos que integran a categoría en pauta, intentando avanzar con achegas para a súa caracterización/definición.