English (United Kingdom)

https://curated-unify.zendy.io/wp-json/zendy-region/v1/featured_content/oa?rat=en

https://curated-unify.zendy.io/wp-json/zendy-region/v1/highlighted_journal/

Global: Zendy Plus annual

Presents the access of premium content as premium feature

Premium Content

Presents the keyphrase highlighting as premium feature

Keyphrase Highlighting

Presents the summarisation as premium feature

Summarisation

Insights

Presents the pdf analysis as premium feature

PDF Analysis

Presents the zaia usage as premium feature

ZAIA

Global: Zendy Tools annual

Global: Zendy Free Plan

Global: Zendy Tools monthly

Global: Zendy Plus monthly

Die Nasionale Krugerwildtuin (NKW) ontvang water vanaf ses hoofriviere waarvan slegs vier as standhoudend beskou kan word. Die rivier met die grootste opvanggebied en wat die intensiefste benut word, is die Olifantsrivier. Watergebruike in die rivier sluit onder andere mynbou, industriële aktiwiteite, huishoudelike gebruike en landbou in. Die Departement van Waterwese en Bosbou erken die omgewing as 'n wetlike watergebruiker en dit is dus noodsaaklik dat die bestuur van die NKW op hoogte van die stand van die waterkwaliteit en van die water wat die park binnevloei, bly. Vir die leek is die waterkwaliteitsdata verwarrend en onverstaanbaar, en gevolglik is daarbesluit om'n akwatiese indeks op te stel waarin die waterkwaliteitsveranderlikes opgeneem word. Hierdie veranderlikes word op so 'n manier in die indeks opgeneem dat dit die toksisiteit daarvan op akwatiese organismes (visse) weerspieël. Die akwatiese toksisiteitsindeks is in samewerking met die Departement Toegepaste Wiskunde aan die Randse Afrikaanse Universiteit gerekenariseer om die berekening van die indekswaarde te vergemaklik. Watermonsters van die Olifantsrivier is tweemaandeliks virdietydperkFebruarie l990totFebruarie 1992by verskillende punte binne die NKW versamel. Die fisiese verander­ likes wat bepaal is, sluit pH, opgeloste suur.stof en geleiding in. Chemiese veranderlikes soos Huoried, ammonium, fosfate, kalium en totale opgeloste soute is ook bepaal. Die konsentrasies van swaar metale soos koper, chroom, nikkel, lood, sink en mangaan is deur middel van standaard-atoomabsorpsiespektrofotometriese metodes bepaal. Weefselmonsters van die rooineusonderbek roscie) en bloukurper {Oreoclimnns nwssamhicus) is by dieselfde moniteringspunte as die watermonsters versamel. Die weefselmonsters is vir die volgende swaar metale geanaliseer: koper, sink, chroom. lood, mangaan en nikkel. Die waterkwaliteitsveranderlikes is in die rekenaarprogram vervang en 'n finale indekswaarde is vir elke opname bereken. Uit die resultate blyk dit dat die waterkwaliteit vanaf 1990 tot 1992 by al die versamelpunte verbeter het. Dit kan toegeskryfwordaandiegoeiereenval in Desember 1990 wat die Olifantsrivier in vloed laat kom het. Die vloed het daartoe gelei dat die meeste van die chemiese stowwe stroomaf na Mosambiek gespoel het. Daar is ook gevind dat die vlakke van swaar metale in visweefsel dieselfde tendense as die waterkwaliteit gevolg het. Met behulp van die akwatiese toksisiteitsindeks behoon die bestuur van die NKW in staat te wees om jaarlikse en sikliese veranderinge op 'n effektiewe en tydbesparende wyse te kan bepaal. Dit stel bestuurders ook in staat om watergebruike in terme van wetlike waterkwaliteitstandaarde te bepaal. Hierdie indeks kan dus op 'n objektiewe manier geimplementeer word om op 'n herhaalbare wyse, sowel in tyd as in ruimte, varswaterbronne te beheer.

Die implementering van 'n akwatiese toksisiteitsindeks in die monitering van die Olifantsrivier (Nasionale Krugerwildtuin)