z-logo
open-access-imgOpen Access
Unibertsitate iraunkorragoaren alde: Vitoria-Gasteizko Ingeniaritza Eskolako hondakinen kudeaketaren azterketa
Author(s) -
Astrid Barona,
Ainara Saralegi,
Jon Álvarez
Publication year - 2022
Publication title -
ekaia
Language(s) - Uzbek
Resource type - Journals
eISSN - 2444-3255
pISSN - 0214-9001
DOI - 10.1387/ekaia.22957
Subject(s) - political science , humanities , geography , philosophy
Unibertsitateak gizarte-aldaketaren eragiletzat hartzen dira eta, ondorioz, zeregin garrantzitsua dute ezagutza, ikerketa, berrikuntza, garapen ekonomikoa eta gizarte-ongizatea sortzen eta zabaltzen, etengabeko konpromisoa erakutsiz garapen jasangarriarekin. Honela, Euskal Herriko Unibertsitateak (UPV/EHUk), bere gizarte-, ekonomia- eta ingurumen-politika planak eta praktikak, gizartearentzat eredugarri izan daitezen zehazten ditu, “Garapen Iraunkorrerako EHUagenda 2030” dokumentuan, esaterako. Bertan, garapen iraunkorreko 17 helburuen eta oparotasun ekonomikoa, gizarteratzea eta ingurumen-jasangarritasuna sustatzeko 169 helmugen inguruko gogoeta sakona egiten da, ibilbide-orritzat hartuz eta Unibertsitatearen lana planetaren erronka handienekin lerrokatuz. Aldi berean, UPV/EHUk, Campus Bizia Lab ekimenarekin, aipatu berri diren alderdiak indartu nahi ditu unibertsitate komunitatearen artean (irakasle, ikertzaile, zerbitzu eta administrazio langile, eta ikasleriaren artean). Hori dela eta, lan honetan, Campus Bizia Lab ekimenaren barruan “EKINTZA-MURRIZTEA. Lege klasikoak berrasmatzea gure Campusaren etorkizun iraunkorrago baterako: kontsumoak eta hondakinak murrizteko ekintzak” proiektuaren baitan lortu diren emaitzak aurkezten dira. Proiektu honen helburuetariko bat Vitoria-Gasteizko Ingeniaritza Eskolako hiri hondakinen eta hondakin arriskutsuen sorrera aztertzea, horien kudeaketa optimizatzea, eta sorrera minimizatzea ahalbidetuko duten jarduerak planteatzea izan da. Horretarako, hondakin mota horien bilketa, erregistro eta biltegiratze prozedurak zehatz-mehatz aztertu dira, eta topatu diren akatsak edota efizientzia gutxiko alderdiak hobetu dira. Gainera, Eskolan azken 5 ikasturteetan sortutako hiri hondakin eta hondakin arriskutsuen inguruko datuak aztertu dira, emaitzen argitan hondakinen sorrera murrizten lagun dezaketen hobekuntza-ekintzak edo ideiak proposatuz eta aplikatuz, eta EHUagenda 2030 helburuekin lerrokatuz, hondakinen inguruan unibertsitate-komunitate sentsibilizatuagoa lortzeko bidean aurrera egiteko asmoz.

The content you want is available to Zendy users.

Already have an account? Click here to sign in.
Having issues? You can contact us here